என் இனிய மரணமே

எனக்கு மட்டுமே சொந்தமான

                                  என் மரணமே,                                             

உன் மீது தீராத என் காதல், உனக்கு புரியவில்லையே.

என் மீது உனக்கு அப்படி என்ன கோபம்.

என் கண்ணில் சிக்காமல் ஓடி ஒளியாதே.

நீ எனக்கு மட்டுமே சொந்தமானவள்.

இந்த  உலகத்தில் யாராலும் உன்னையும் என்னையும்
பிரிக்க முடியாது.

பலமுறை காலம் உன்னோடு சேர்ந்து
வாழ சொன்ன போது நான் உன்னை
அலட்சியப் படுத்திவிட்டேன்.

என்னை மன்னித்துவிடு. என் உயிரின் உறவே.

உன்னுடன்  உடனடியாக நான் இணைய வேண்டும்.

மனதில் உன்னை சந்திக்க மிகுந்த
ஆவலோடு காத்திருக்கிறேன்.

எவ்வளவு தூரம் எனை விட்டு ஓடுவாய்.

இன்று இல்லாவிட்டாலும் நீ ஒரு நாள் என்னோடு
சேர்ந்தேயாக வேண்டும்.

எனக்கு ஏதாவது என்றால் உன்னால் தாங்க முடியுமா?

ஓடாதே.என் உயிர்க்காதலியே

இளமை கரைகிறது.

துடிக்கிறேன் வா.

என் கண்மணியே.... 

தாய்ப்பாசம்

                                           

தான் பெற்ற குட்டிகளுக்கு
நாய் காட்டும் பாசம் கூட இன்றைய மனித
குழந்தைகளுக்கு தாய்ப்பாசம் கிடைப்பதில்லை.

மிக கூர்ந்து ஆராய்ந்து பார்த்ததில் 
 
பணத்திற்கு ஆசைப்பட்டு சிசேரியன் செய்யும்
ஒரு சில மருத்துவர்களும்

அரைகுறையாக படித்து பட்டம் பெற்று
பயத்தில் சுகப் பிரசவத்தையும்
சிசேரியன் மூலம் வைத்தியம் செய்தவர்களும்,

நல்ல நேரத்தில் குழந்தை ஜனிக்க வேண்டும் என
இறைவன் குறித்த நேரத்திற்கு முன்பாகவே
சிசேரியன்  மூலம் குழந்தைப்பெறுவது

இவற்றால் உண்மையான தாய்ப்பாசம்
பட்டுப்போகிறது.

சுகப் பிரசவத்தில் குழந்தை பெற்றவள்
அவள் உயிரை பணயம் வைத்து பெற்றதினால்
தன் குழந்தையிடம் உயிரையே வைக்கிறாள்.
குழந்தைக்காக பதறிப்போகிறாள்.

நோகாமல் குழந்தை பெற்றவள் குழந்தையிடம்
எரிந்து விழுந்து அதன் அருமை
புரியாமல் உணராமல்
அதன் பிராணனை வாங்குகிறாள்.

கண்டிப்பாக இருப்பதாக நினைத்து ஓவராக அதட்டி பந்தா விடுகிறாள்.
 
அப்பன் விதைக்கிறான்.
அம்மா தாய்ப்பாலோடு 
தேசப்பற்று ,பாரம்பரியம்,கலாச்சாரம் ,
போதிக்க கடமைப்பட்டவள்.
ஆனால் இன்று தவறாக குழந்தை வளர்க்க
காரணமாகிறாள். 

மனித வாழ்க்கை

மனித வாழ்க்கையில் ஒரு மண்ணும் இல்லை.
ஒரே ஒரு உபயோகமான விஷயம் தவிர.
கடவுளை நன்கு பக்தி சிரத்தையோடு அணுகி ,
நாலு பேருக்கு நன்மைகள் செய்து ,
நம் தாயை பெற்றெடுத்த மண்ணின் உயிர் காக்க
நாலு மரம் நட்டுவிட்டு
சுடு(ம்)  காட்டுக்கு
குளிர்ந்த
இதயத்தோடு செல்வதே.....
இந்த பிறவியின் பயன்.

தனதானே தனதானே

தனதானே தனதானே

பிறப்பெடுத்தது செய்த பாவத்தின் கருமத்தைக் கழிக்கத்தானே
 

தனதானே தனதானே
 

புரியாமல் மேலும் நிறைய பாவங்கள் செய்தனனே
 

தனதானே தனதானே
 

பலியாடாய் பலநூறு முறை தலை கொடுத்தேனே
 

தனதானே தனதானே
 

நெஞ்சு பதறுதே பாவிகள் முதுகில் குத்தும்போது
 

தனதானே தனதானே
 

பாசம் , நேசம் அனைத்தும் அறுத்தனனே
 

தனதானே தனதானே
 

கோமாளியாய் வெளி வேஷத்தில் சிரித்தாலும்,
 

உள்ளுர அழுதனனே
 

தனதானே தனதானே
 

காதிலே காய்ச்சிய ஈயத்தை ஊற்றும் போது
 

தனதானே தனதானே
 

உணர்வுகள் பூமியிலேயே எண்ணைக் கொப்பரையில் பொரித்தனனே
 

தனதானே தனதானே
 

வாழும் கடவுள் ,துடிக்கும் என்னை அழைக்கிலையே
 

தனதானே தனதானே
 

உந்தன் பாதம் சரண் அடைந்தேன் மேலும் பாவங்கள் செய்யும்முன்
 

அழைத்துக் கொள்ளேன்.எனைப்படைத்த கடவுளே....
 

தனதானே தனதானே 

பணம்

எண்ணும்போதே சேமிக்கநினை

பணம் சம்பாதிக்க பல நூறு வழிகள்.
அதில் நேர்மையானவைகள் சில பத்து வழிகள்.
அதிலும் எதிர்பாராமல் நாம் நினைத்ததைவிட
அதிகமாகவே வரவு.
எப்படியாயினும் வந்த பணத்தை இருக்கி பிடித்து
சேமிக்காமல் போனால்....
காலம் நம்மை கந்தலாக்கும்.
பணம் நம்மைப் பார்த்து பல்லிளிக்கும்.

காலச்சக்கரம்

நம்மைச் சுற்றி நாம் விரும்பாத
நிகழ்வுகள்.
மௌனத்தை அதிகப்படுத்தி,
அதை மேலும் புனிதமாக்க
இறையருளை நாடி கோவிலுக்குள்
தஞ்சம்.
காலச் சக்கரத்தின் வேகத்தோடு ஈடு
கொடுத்துச் செல்ல நல்ல வழி.

வீரத்திருமகள்

மதிப்புமிக்க சகோதரிக்கு,
எத்தனையோ புத்தகங்கள்,
எத்தனையோ தத்துவங்கள்,கவிதைகள்
எத்தனையோ கருத்துக்கள்.
இன்று மக்கள் பொழுதுபோக்கு அம்சம்
நிறையவே உள்ளதால்,
மக்களும் வேகமாக...

புத்தகம் படிக்க சோம்பேறித்தனம் ஒரு சிலருக்கு.

எதற்கும் உதவாத உறவுகள் ஒரு சிலருக்கு.

ஆதாயத்தையே எதிர்பார்த்து பழகும் நண்பர்கள் ஒரு சிலருக்கு.

இதனிடையே முகம் தெரியாத உள்ளம் பகிரும் உணர்வுகள்
அதுவும் கவிதையாய் எத்தனையோ உள்ளங்களை கொள்ளை கொண்டு
உரிமையோடு கருத்திடும் நல்ல நெஞ்சங்கள்  வலைதளத்தின் வாயிலாக,

அனைவரும் ஏக்கம் அடைவார்கள் நல்ல கவிதைகளை (சு)வாசிக்க முடியாமல்.

எண்ணம் ஒரு நிலையில் இருந்தால் மட்டுமே உணர்வான கவிதைகள் தோன்றும்.

தங்களின் கவிதை படைப்புகள் காலத்தை வெல்லக்கூடியவை.
தங்கள் பலம் தங்களுக்கு புரியாமல் போனது துரதிஷ்டவசமானது.

விதவைத்தாயை  வெளியே எங்கு அழைத்தாலும் தட்டிக்கழித்ததும்,
கோவிலில் தாயை குருக்கள் புறக்கணிப்பதை புரியாமல் போனதும்,
மாந்தர்தனை சமுதாயம் எப்படியெல்லாம் பாடுபடுத்துகிறது என்பதை
புரிந்தபோது


வீறுகொண்டு சீறி எழுந்து தைரியமாக உணர்வுகளை
கவிதையாய் அக்கினி எழுத்துக்களை விதைக்கும் ஒரு ஜான்சி ராணியாய்
தங்களின் படைப்புகளை காண முடிந்தது.மனதில் மட்டற்ற மகிழ்ச்சி.
என்னைபற்றி என்னத்தைச்சொல்ல என்பதில் ஆரம்பித்து எத்தனையோ எத்தனையோ சொல்லியாச்சு.இன்னமும் சொல்ல வேண்டியது எத்தனையோ..?
விடைபெற வேண்டாமே...முடமாகிய உள்ளத்திற்கு ஊன்றுகோல்
கொடுத்து மீண்டும் நிமர்ந்து எழவைக்கும் தன்மை எத்தனை பேருக்கு
முடியும்.இறைவன் கொடுத்த வரத்தை நாம் தடுக்கலாமா? தயை கூர்ந்து
தாங்கள் மீண்டும் எழுத வேண்டும் சகோதரி.எந்த வகையான துன்பத்தையும்
எதிர்கொள்ளும் அனைத்து திறமைகளும் கொண்டவர் தாங்கள். தற்பெருமை,முகஸ்துதிக்கு மலுங்காதவர்.
உணர்வான எழுத்துக்களை நுகர்ந்து உள்வாங்கும் ஒரு சிலருக்கு மட்டுமே இந்த உண்மை தெரியும்.
நிறைவாக..
பேரும் வேண்டாம்.
புகழும் வேண்டாம்.
ஜாதியும் வேண்டாம்.
மதமும் வேண்டாம்.
உணர்வுகளை படைப்போம்.
அதன்மூலம் மனதை மேம்படுத்துவோம்.
மேம்பட்ட மனம் மூலம் சமுதாயத்தை முடிந்தவரை
மாற்றியமைப்போம்.
முடியாமல் போனால் ஆறுதல் படுத்துவோம்.
துடிப்புமிக்க வீரமான புரவியும், புதியதாய் தணலில் இருந்து சம்மட்டியில்
அடி வாங்கி மிக கூர்கொண்ட வீரவாளும் காத்திருக்க புறப்படு சகோதரி.
குறைவான நேரமே... நிறைய எழுத வேண்டும்.
சரித்திரத்தை திக்குதோறும் கொண்டாட...

 

உபத்திரவம்

உபகாரம் செய்பவர்களுக்கு
தொடர்ந்து உபத்திரவம்
கொடுத்தால்
என்றாவது ஒரு நாள் கடும்
விரயத்தை சந்திக்க நேரும்.

வாழ்க்கைப் பயணம்

உடைந்த துடுப்புடன்,
ஓட்டை படகில் ,

மனைவி,குழந்தையுடன்
 எப்படியேனும் கரையேற,

கடும் புயலையும் பாராமல்
நாடி நரம்பில் முறுக்கம் உள்ளவரை
 
வாழ்க்கைப் பயணம். 

காதல் பிரசவம்

காதலை வெளிப்படுத்தும் போது இருந்த 
              பரவசமான பயம்,
 
காதலை தடுக்கவரும் வில்லன்களை எதிர்க்க 
              காத்திருந்த வீரம்,
 
தலைப்பிரசவத்தின் போது மருத்துவர் கையெழுத்து வாங்கும்போது            
               நடுங்கிய கைகள்,
 
சரிவர பேசாத, பழக்கம் இல்லாத மாமியாரும் காத்திருக்கும் போது 
                உறுத்திய குற்ற உணர்வுகளும்,

பிரசவமாகி மனைவியாகிய காதலியை பார்க்கும்வரை 
                தளர்ந்த கால்களும்,வரண்ட நாக்கும், படபடத்த  நெஞ்சும்,

மனைவியையும்,குழந்தையையும் ஆரோக்கியமாக பார்த்த பொழுது 

                                         காதல் பிரசவித்த காதல் 

ஆனந்த கண்ணீ ரின் இடையே கடவுளாக தெரிந்தது. 

சபலம்

நொடி நேர சலனத்தில் வரும் சபலம்,
வாழ் நாள் முழுவதும் முன்னேற்றத்தை சறுக்கி விடுகிறது.

ஆத்மா

ஆத்மாவின் வேதனையை அலட்சியப்படுத்தாதே.
அது உன்னை துன்பத்தில் தள்ளிவிடும்.

யோசித்து செய்

யோசிக்காமல் செய்தவை ,
யோசிக்காமல் செய்துவிடும்.

நரகம் அற்பம்

தினமும் நரகம் .
பழகிப்போனதால் அதுவே
சொர்கமாகிப்போனது.
 

நிறைவுரை

விடைபெறுகிறேன்

அனைவருக்கும் என் மனமார்ந்த வணக்கங்களும்,நன்றியும்.
என்னுள் பல ஆண்டுகளாக உறங்கி கிடந்த எழுத்து உணர்வுகள்
என் blogspot வழியாக பகிர்ந்தேன்.
                    தற்போது மீண்டும் என் உணர்வுகளை முடமாக்கி,
                                 மௌனமாக்க முடிவு செய்துள்ளேன்.
                                        ஆதலால் இந்த நிறைவுரை.

வலி எல்லோருக்கும் பொது.
அதை அவரவர் தாங்கிக்கொள்ளும்
தன்மையை பொருத்து மாறுபடுகிறது.
என் வாழ்க்கை என்னும் பரமபரத்தில் ஏணிகள் மிகவும் குறைவு.
பாம்புகளே அதிகம்.
தாயம் போட்டு ஒரு கட்டம் முன்னேறினால்
கடும் ............  கொண்ட பாம்புகள் கொத்தி மீண்டும் கீழே கொண்டு
செல்கின்றன.
எத்தனை தாயத்து கட்டினாலும்,
தாயம் விழும் போதுதான் விழும்.
கடும் வலியை தாங்க உணர்வுகளை முடமாகினால்,
                                    வலி பல மடங்கு அதிகரிக்கும்.

இதனால் ஞானம் பிறக்கும் என்ற நம்பிக்கையோடு இந்த பிரியாவிடை.

                முடிந்தவரை பார்வை இல்லாதவர்களுக்கு உதவுங்கள்.

நான்(!) blogspot களில் உலா வந்த போது என் மனதை தொட்ட
இரண்டு வலைத்தளங்களை பற்றி
தற்போது அவசியம் விமர்சிக்க மிகவும் கடமைப்பட்டுள்ளேன்.

முதலாவது:

http://kovaikkavi.wordpress.com/ வேதாவின் வலை.
சகோதரியின் கருத்துமிக்க கவிதை (இலக்கிய) உணர்வுகள் எண்ணில் அடங்காதவை.
அவரின் பொறுப்புமிக்க பதில் மதிப்பு மிக்கவை.  
அவரின் விமர்சனம் பாமரனையும் பரமனாக்கும்.
அவரின் வலை படிக்க எனக்கு பாக்கியம் கிடைத்ததில் நான் புண்ணியம் செய்ததின் பலன்.
பல்லாண்டு வாழியவே,அவரும் அவரின் குடும்பத்தாரும்.

இரண்டாவது:

http://thmalathi.blogspot.in/.
இந்த சகோதரி ஒரு தமிழ்ப்பெண் என்பதில் எனக்கு மிகவும் பெருமையே.
நான் என் நண்பர்களிடம் இவரைப்பற்றி கூறும்போது
இவர் எழுத்துக்கள் நெருப்பாக பற்றி எரியும்,
இவர் பேனா எடுத்து இவர் பெயரை ஒரு பேப்பரில் எழுதினால் அந்த எழுத்துக்கள் நெருப்பாக பற்றி எரியும் என விமர்சித்ததுண்டு.
கவிதைநடை (எழுத்துநடை) மயில் இறகால் வருடும்.
கோபப்பட்டு வரும் வார்த்தைகள் தீக்கனலாய் கொழுந்துவிட்டு  எரியும்.

தற்போது மங்கள நாண் நோக்கும் எந்தன் சகோதரி,பின்வரும் நாளில் குழந்தைகளின் மழலைகளையும்,அதன் குறும்புகளையும் தாலாட்டாய்
செதுக்கும்போது தென்றலோடு பனிக்காற்றும் கலந்து வரும்.

அப்போது அனைவரின் விமர்சனமும்,
"தீர்க்கசுமங்கலி பவ", "அஷ்ட ஐய்ஸ்வரியமும் பெற்று பல்லாண்டு வாழ்க" என்பதே ஒரு மனதாய் இருக்கும்.  
இருவரின் எழுத்துக்களும் காலத்தால் அழியாத தாக்கத்தை ஏற்படுத்துபவை.

                                இருவர் வலைகளும் மிகவும் சிறப்புமிக்கவை.

இருவரின் எழுத்துக்களும் என்றும் தொடர என் மனமார்ந்த வாழ்த்துக்களுடன் விடைபெறுகிறேன்.
என் வலைதளத்திற்கு வருகைபுரிந்த அனைவருக்கும், விமர்சித்தவர்களுக்கும் என் நன்றியை சமர்பிக்கிறேன்.
நன்றி.  
           

தா(தூ)ய்மை

எப்போதும் (அன்பை வெளிப்படுத்தாமல்) கடும் சொற்களால்
வசை பாடும் தாய்
தன் தூய்மையை
இழந்து விடுகிறாள்.
பிற்காலங்களில் குழந்தையின்
அன்பின்றி அகாலமரணமடைந்த
ஆத்மாவின் அவஸ்தையை
பூமியிலேயே அனுபவிப்பாள்.

சில்லறை

சில்லறை சில்லரைதான்.
நோட்டு நோட்டுதான்.
சில்லறையை உருக்கி
நோட்டாக்க முடியாது.
அது உலோகம்.எது மதிப்புமிக்க காகிதம்.
வைப்பாட்டிகள் போல
வைப்பாட்டர்களும் (வைப் பார்ட்னர்களும்)
wife partner களும் இருக்கத்தான் செய்கிறார்கள்.

துக்கத்தின் எல்லை

மனதில் குழப்பம், துன்பம்
சிகரட் பாக்கட் பாக்கெட்டாக ஊதியாச்சு
துன்பம் போகலே.
பாட்டில் பாட்டிலாக மதுவும் குடிச்சாச்சு
போதை தெளிஞ்சவுடன் காத்திருந்த துன்பம்
மீண்டும் உள்ளே வந்தாச்சு.
தியானம் பண்ண முடியல.நிம்மதியில்ல
தற்கொலை செஞ்சா அந்த துன்பம் இரு மடங்காகி
நம்மைச் சார்ந்தவங்களை பற்றிக்கொள்ளும் என்பது
நன்கு தெரியும்.
ஒரே வழிதான் இருக்கு.
மொபைல ஆப் பண்ணீட்டு கோவிலுக்குள்ளே போய்
கடவுள் முன்னாள் வெட்கம், மானம், வறட்டு கவுரவம்
எல்லாம் விட்டு கதறி முறையிடு.
உன் துன்பத்துக்கு துன்பம் தர ஒரே வழி இதுதான்.
    

அன்றும் இன்றும்

இன்று
காதல் என்னும் கல்லறைக்கு பல வழி,
காமம் என்னும் கோவிலுக்கு ஒரு வழி.

மதம்

மதம் என்பது மரபு வழியாக வந்தது.
நீ பாவி என் மதத்தில் சேர்ந்துகொள்.
புனிதமாவாய் என்பதுபோல் எந்தமதம் அழைத்தாலும்
அந்த மதத்தில் பாவிகளைத் தவிர யார் இருக்க முடியும்.
மதம் மாறுதல் என்பது பெற்ற தாயை விற்பதுக்கு சமம்.
எல்லா மதமும் புனிதமானதுதான்.ஒவ்வொரு மதமும்
மனிதன் மனிதனாக வாழ நெறிமுறைகளை கொண்டுள்ளது.
அவனவன் தான் செய்யும் அயோகியதனத்தை தன் மதத்தின் பெயரில்
தப்பித்துக்கொள்ள பார்க்கிறான்.
அவனவன் அவன் மதம் கூறும்படி ஒழுக்கமாக வாழ்ந்தாலே
போதுமானது.பிறரை தன் மதத்தினுள் வரும்படி வற்புறுத்துவது
பிறர் மனைவிக்கு அழைப்பு விடுப்பது போலாகும்.
பிறர் மதத்தினை கேவலமாக விமர்சிப்பது
பரம்பரையாக வேசியினத்தில்  பிறந்த மூன்றாம் பாலினதவன் செயல்.