ஆணவத்திற்கு கூலி

நாம் (ஆணவத்தால்) ஆடும் ஆட்டத்திற்கு,
காலம் ஒன்றே பதில் சொல்லும்.
காலம் முழுவதும் மனவேதனை
வாட்டியெடுக்கும்.

ஈரோடு கொரானாவில் இருந்து விரைவாக மீண்டது எப்படி?

1.மக்கள் சமூக இடைவெளி மற்றும் முகக்கவசம் தவறாமல் கடைபிடித்தனர்.
(கடைபிடிக்காத ஒரு சில இடங்களில் விஷயம் தெரிந்தவர்கள் கடுமையாக கண்டித்தனர்)
முகக்கவசம் அணியாதவர்களை மக்கள் அருவருப்பாக பார்த்து விலகி சென்றனர்.
2.காவல்துறையினர் மிக மிக அயராது உழைத்தனர். எங்கும், எப்போதும் அவர்களே தெரிந்தனர்.
3.வெளியில் சுற்றி தெரிந்தவர்களை காவல்துறையினர் அன்பாக எச்சரித்து அனுப்பினர்.
4.ஊரடங்கின் போது பெரியார்நகரில் ஒரு காவலர் வந்து நின்று அங்கு இருந்தவர்களை வீட்டில் இருக்கலாம்ல என்று கூறிவிட்டு சிறிது நேரத்தில் தனக்கு தானே ஏதோ பேசிக்கொண்டிருந்தார். (கடைகள், வாகனங்கள், மக்கள் நடமாட்டம்) இயல்பு நிலை இல்லாத ஊரில் தனியே தொடர்ச்சியாக தன் பணியை செய்து கொண்டிருந்த அவர் எவ்வளவு மன அழுத்தத்திற்கு ஆளாகி இருப்பார் என யோசியுங்கள். உங்களுக்கே புரியும்.
5.துப்புரவு பணியாளர்கள் இதுவரை ஈரோடு மக்கள் கண்களில் பார்த்திராத நவீன கருவிகளில் அடிக்கடி நாள்தோறும் ஏரியா வாரியாக மருந்தடித்தனர்.( கொசு மற்றும் ஈக்கள் மிகவும் குறைந்தது )
6.செவிலியர்கள் விடாது பயணம் மேற்கொண்டதை பார்க்க முடிந்தது.
7.மருத்துவர்களை வெளியில் எங்கும் பார்க்கமுடியவில்லை. மருத்துவமனையிலேயே தங்கி கொரோனா நோயாளிகளை மீட்டுவருவதில் முழுமையாக பணியாற்றியதை பின்பு தெரிந்து கொண்டேன்.
8.மின் ஊழியர்கள் மின் வெட்டு ஏற்படாமல் மிகவும் கவனமாக பார்த்துக்கொண்டனர்.
9.கை தட்டி நன்றி தெரிவிக்கும் நேரத்தில் முதலில் ஆங்காங்கே மாடியில் கூச்சத்துடன் கை தட்ட ஆரம்பித்த ஈரோடு மக்கள் நேரம் ஆக ஆக அனைவரும் மாடியில் வந்து ஐந்தரை மணிவரை கை தட்டி நன்றி தெரிவித்த போதுதான் தெரிந்தது ஈரோட்டு மக்களின் நன்றி உணர்ச்சி எவ்வளவு என்று. (இந்த நிகழ்ச்சியை எந்த மீடியாவும் காட்டவில்லை)
10. காலை 6மணி முதல் 9மணிவரை அத்யாவசிய கடைகள் திறந்து வியாபாரம் காவல்துறையினரின் கண்காணிப்போடு நடந்தது. அதன்பின் மக்கள் வீட்டிற்குள் தங்களை அடைத்துக்கொண்டனர்.
11.விளக்கேற்றும் தினத்தில் மாடியில் தீபங்கள் மற்றும் மொபைல் வெளிச்சம் சுடர்விட்டு விளையாடியது.
ஒரு சில வீடுகளில் வெளியே கார்த்திகை மாத தீபங்கள் போல நிறைய ஏற்றிருந்தனர்.சிலர் தீபாவளிக்கு மீந்துபோன வானத்தில் வெடித்து வர்ண ஜாலங்கள் காட்டும் வாணவேடிக்கைகளை வெடித்தனர்.
12.மாவட்ட ஆட்சியர் கதிரவன் அவர்கள், காவல்துறையினர், மருத்துவர்கள், செவிலியர்கள், துப்புரவு பணியாளர்கள் தங்கள் கடமையை ஆச்சு பிசகாமல் மிக கடுமையாக போராடி ஈரோட்டை மீட்டனர் என கூறினால் மிகையாகாது.

இறுதியாக...
இந்த நிலை முடிந்து நாடு சகஜ நிலைக்கு திரும்பியதும், இதற்காக போராடிய காவலர்கள், செவிலியர்கள், துப்புரவு பணியாளர்கள், மருத்துவர்கள், மின் ஊழியர்களுக்கு ஷிப்ட் முறையில் மாதம் ஒரு வாரம் சம்பளத்துடன், குடும்பத்தினருடன் சுற்றுலா செல்ல ஏற்பாடு செய்து ஆறுமாதம் இவர்களை மனஇறுக்கத்தில் இருந்து விடுவித்து கடவுளாகிப்போன இவர்களை மீண்டும் மனிதனாக்குவேன். நான் பிரதமராகவோ, முதலமைச்சராகவோ அல்லது என் கையில் அதற்கு அதிகாரம் இருந்திருந்தால்... 

கிருமி

மனிதனின் அறிவியல் மமதைகள்
எங்கு சென்றன.
பணம் பணம் பணம் என
ஓடிய அனைவரும் வீட்டிற்குள்...
அடுத்தவன் குடியை அழித்து பொருள், பணம்
சேர்த்தவனும், கட்டு கட்டாய் பதுக்கியவனுக்கும்
தற்போது மருத்துவமும், காவல்துறையின்
பணியும் எவ்வளவு முக்கியத்துவம் வாய்ந்தது என
புரிந்திருக்கும்.
பணத்திற்கு மேல் எதுவோ இருக்கிறது என்றால்
அது மனித நேயமே.

ஆண்கள் உயர்ந்தவர்கள்

பெண்களைவிட ஆண்
மிகவும் உயர்ந்தவர்கள்.
ஒரு விஷயத்தில்,
அதிகம் அழுதாலும்,
அவன் கண்களில் கண்ணீர் வருவதில்லை.

கடவுளின் கணக்கு

நாடி,நரம்பில் முறுக்கம்,
கை நிறைய காசு.
ஆணவத்தின் உச்சிக் கிளையில்
மாபெரும் ஆட்டம்.
இளமையில் ஆடும் ஆட்டம்
முதுமையில் தண்டனை வழங்குகிறது.
ஆண்டவன் போடும் முடிச்சை
அவரால் மட்டுமே அவிழ்க்க முடியும்.

முதுமை

இளமையிலே சேமிக்காத பணம்
தண்ணீர் இல்லாத கிணறு போல்
வாழ்க்கை பயனற்றதாகி விடுகிறது.
முதுமையில் உறவென்று கூட்டமாய்
காக்கைகள் கூடாது.
முதுமை கொடியதாகி விடுகிறது.

இதுவும் ஒரு வகையான தியாகம்தான்

நான் வாழ வேண்டும் என நினைத்தால்,
எனக்கு துரோகம் இழைத்த பல பேர் நடுத்தெருவில்
நிற்க வேண்டி வரும்.
அதனால்தானோ என்னவோ நான் நடைபிணமாகவே
மரிக்க நினைக்கின்றேன்.

கர்மாவின் வேலை

விஷநாகம் கொத்தினால் விஷமே.
நல்லபாம்பாக இருந்தாலும் சரி,
ராஜ நாகமாக இருந்தாலும் சரி,
அது விஷம்தான்.
நாகம் என தெரிந்தே கழுத்தில் போட்டுக்கொண்டு
ஆட்டம் போட்டால் உன் கதி அதோ கதிதான்.
கர்மா அதன் வேலையை நன்றாக செய்யும்.

நகைச்சுவையின் முடிவு

நகைச்சுவை நடிகர் என்று
மற்ற நகைச்சுவை நடிகரைபோல்
நடிக்க ஆரம்பிக்கிறாரோ
அன்றே அவரிடம் நகைச்சுவை
தீர்ந்துவிட்டது என
பொருள்.

கலியுக சுழற்சி

நாம் மற்ற உயிர்களுக்கு 

( தெரிந்தோ, தெரியாமலோ ) 

செய்த பாவங்கள், துன்பங்கள் கர்மாக்கள் தீரவும்,
 
கலியுகத்தின் எழுபது சதவீத சுழற்சிக்கு 

பெண்களின் வாய் முக்கிய பங்கு வகிக்கிறது.

வக்கத்தவன்

வக்கத்தவனை தெரு நாய் கூட மதிக்காது.
ஏன் அவன் வீட்டு துடைப்பம் கூட மதிக்காது.
பூமியிலேயே நரகம் முழுமையாக அனுபவிப்பான்.
மரணமே அவனை விட்டு விலகிப்போகும்.

827 ஆபாச இணையதளங்கள் முடக்கம்! மத்திய அரசு அதிரடி

இணையத்தளத்தின் ஆபத்தை குறித்து
 (இணையதளம் பேராபத்து என 22 July 2017)
அன்றே எழுதியிருந்தேன். இன்று நான் பயந்தபடி அனைத்தும் நடந்துவிட்டன. தற்போது இந்த நடவடிக்கை(!). இனி என்ன பயன்?. சிறுமிகள் வன்கொடுமை,கள்ள காதல் (இதற்கு நீதிமன்றம் ஆதரவு வேற), ஆசிரியர் மாணவி,மேலும் பல. இதைத்தானே இந்த கார்ப்பரேட் அரசு எதிர்பார்த்தது. நன்றாக நடந்தது இப்போது முடக்கி என்ன பெரும் பயன் ஏற்பட்ட போகிறது?. மொத்த நாட்டிற்கும் அதன் கலாச்சாரத்திற்கும் சங்கு ஊதிவிட்டு இப்போது வெறும் முடக்கம்.

ஏமாற்றம்

ஏமாந்தது உன் குற்றமே,
ஏமாற்றியவரின் குற்றம் அல்ல
அளவுக்கு மீறிய நம்பிக்கை
ஏமாற்றத்தில் தானே முடிகிறது.
இதற்கு தீர்வு நம்பிக்கையின் அளவை
நம் கட்டுப்பாட்டில் வைப்பதுதான்.

ஜனனம்

சற்று காலம் தங்கி போக வந்துள்ளோம்,
போகும் இடம் நன்கு தெரியும்.
வாழும் குறுகிய காலத்தில்,போகும் நேரம் தெரியாததால்...
எத்தனை துன்பங்கள், எத்தனை இன்பங்கள்.

சுவீகாரம்

குழந்தை இல்லையென ஏங்குவர்.
கோவில், குளங்களை சுற்றுவர்.
மருத்துவர்களுக்கு வாரி வழங்குவர்.
சுப நிகழ்ச்சி, சுப காரியங்களை தவிர்ப்பர்.
தம்பதியர் ஒருவரை ஒருவர் குறைகூறி
குடும்ப வெறுமையை அதிகமாக்குவர்.
ஆயிரக்கணக்கில் அனாதைக் குழந்தைகள்
இருந்தாலும் தத்தெடுத்து வளர்க்க
ஒன்றுக்கும் உதவாத சமுதாயத்தை கண்டு அஞ்சுவர்.
அனாதை குழந்தை எந்த ஜாதியோ? ரத்தத்தில் ஜா(தீ)தி!
குழந்தையும் தெய்வமும் ஒன்றென அறியவில்லை.
மனிதம் மரித்தது இந்த இடத்தில்.
சுவீகாரம் எடுத்தவர்களைக் கேளுங்கள்,
அவர்கள் பூமியில் வாழும் காலத்திலேயே
சொர்கத்தை அனுபவிப்பதை கூறுவார்கள்.
இவர்கள் அனுபவிக்கும் துன்பத்திற்கு
இவர்களே பொறுப்பு.

காரியவாதிகள்

காரியவாதிகள் நட்பு என்னும் போர்வையில் 

தா(த)ன் காரியங்களை சாதித்து
கொள்கின்றனர். 

அவர்களை நண்பர்கள்
என நம்புவது மிகுந்த ஏமாற்றத்தையும்,
தோல்வியையும் நமக்குத் தரும். 

துரோகிகளிலேயே பெரிய துரோகி இவர்களே.

அன்பு

உண்மையான அன்பை உணராமல்,
மாய உலகத்தில் சஞ்சரிப்பது
மீளா துன்பத்திற்கு வ(லி)ழி வகுக்கும்.
கர்மா என்றும் தன் கடமையை செய்யாமல்
விட்டதாக சரித்திரம் இல்லை.

இங்கிதம்

இங்கிதம் என்பது தன்னடக்கத்தாலும்,
மற்றவரை மதிக்கத் தெரிந்தவர்களிடம்
இருந்து வருவது.
இங்கிதம் இல்லாதவர்களால் பிறர்க்கு
என்றுமே பிரச்சனைதான்.

மிகப்பெரிய சாதனையாளர்

மிகப்பெரிய சாதனையாளர் ஆக வேண்டும், 
சாதிக்கவேண்டும் என எண்ணினால்
கண்டிப்பாக திருமணம் செய்யக்கூடாது.

ஒரு வேலை திருமணம் செய்திருந்தால்
மிகப்பெரிய சாதனையாளர் ஆக வேண்டும் 
என்ற எண்ணம் கூடவே கூடாது.
அதையும் மீறி முயற்சி செய்வது இரு தலை கொண்ட பாம்பின்
வாழ்க்கைக்கு சமம்.

பணிமனை

பணிமனை துவங்குவது மிகவும் கடினம்.
அதை ஒருமுறை இழந்துவிட்டால்
மீண்டும் தொடங்குவது 
என்பது மறுபடியும் பிறப்பதற்கு சமம்.
யோசிக்காமல் செய்தால்
(காலம்) யோசிக்காமல் செய்துவிடும்.
பிறகு வாழ்நாள் முழுவதும் வேதனைதான்.